Ajian pamêpêsan lan panatasan
 |
| Adu jago adon |
Sarånå golèk mênang.
Ånå ing kalangan yèn mbênêri jago adon katandhing, jago kang arêp ditohi iku dicêkêl dhisik, sawisé banjur gêntèn nyêkêl jagoné mungsuhé. Sasuwéné nyêkêl jagoné mungsuh banjur amatak aji pamêpêsan, mung kabatin baé, mantrané : Kuwung-kuwung amayungi ingsun, amatak ajiku pamêpêsan, amêpês babayuning anggåné kang ingsun cêkêl iki, ingsun cakêp pinijêt èpèk-èpèk si råjåkêling, larut babayané tan suwé tarungé si sawung-galing gumuling tan njaluk banyon.
Sawisé tarung sawatårå suwéné, banjur sinusul matak aji panatasan, ugå mung kabatin baé, sarånå disarati udud mênyan. Déné mantrané : Ingsun amatak ajiku panatasan kang rumasuk ing wêsi puråsani, ingsun sêrot lumêbu ing badan jasmani, ingsun sêbul mbarêngi kukusing udud kaworan wisaning pamor, bul sapisan nampêk måtå jagoning mungsuh, bul pindho amanjing ing sajroning jajantung, têmah nglubuk ambruk.
Sajroné matak aji panatasan nyêdhakå jago kang lagi tarung karo ngêbulaké kukusé ududé.
 |
| Jago adon lagi anggitik mungsuhé |
Lakuné aji pamêpêsan mutih 7 dinå 7 bêngi (mung mangan sêgå tok tanpå uyah, ngombéné banyu wantah) sartå nglowong 3 dinå 3 bêngi. (Ora kênå mangan ngombé) wiwitané tirakat dinå Rêbo Pon.
Déné lakuné aji panatasan ngêblêng 7 dinå 7 bêngi, (yåiku ora mangan lan ora ngombé sartå kudu ånå ing sênthong baé, kajåbå yèn sêné utåwå babanyu), wiwitané tirakat ing dinå Jumuah Paing.
- penulis artikel
- pecinta kuliner Nusantara dan Mancanegara
- dokter hewan
- peternak ayam
Belum ada Komentar untuk "Ajian pamêpêsan lan panatasan"
Posting Komentar
Catatan: Hanya anggota dari blog ini yang dapat mengirim komentar.