Katuranggan jago adon miturut rupå ulêsé

Jago adon putih mulus

Katuranggan jago adon miturut rupå ulêsé.

1. Wiring galih, cènggèr têlon klåpå jambu jêbug, måtå kuning, sikil irêng, jalu bulungan, buntut kêtêl, sisik mêlik, iku jago adon bêcik, kêrêp mênang, kang ngingu kêrêp bêgjå.

2. Wiring kuning, cènggèr têlon klåpå jambu jêbug, måtå kuning, sikil lonthèng, jalu irêng, buntut kêtêl. Iku jago adon bêcik, kêrêp mênang, gawé sênêng kang ngingu.

3. Wiring kuning, cènggèr têlon, êndhas cilik, måtå abang, sikil kuning, buntut mubal putih. Iku jago yèn kanggo adon ålå bangêt licik, lan gawé susah kang ngingu.

4. Wido cêmpåkå, cènggèr têlon, sikil lan jalu kuning, buntut kêtêl, sisik mulus, supitan cêndhak. Iku jago adon bêcik bangêt, kêrêp mênang, kang ngingu bêgjå lan slamêt.

5. Lurik sånå, cènggèr têlon, êndhas gêdhé, måtå kuning, sikil lonthèng, jalu rênting, sisik mulus. Iku jago adon bêcik, kêrêp mênang, kang ngingu bêgjå sênêng.

6. Putih mulus sêmu irêng, cènggèr têlon sartå sanggar dlimå. Iku jago bêcik bangêt, kênå kanggo tumbal. Nanging ora kenå kanggo adon. Yèn diêdu milalati, margå lêlêmbut pådhå wêdi, nyupatani kang ngingu.

Jago putih mulus

7. Blorok, cènggèr têlon utåwå wilah, êndhas åmbå, måtå kuning, sikil lan jalu irêng, sisik mulus. Iku jago adon bêcik, kêrêp mênang, kang ngingu bêgjå.

Jago blorok

8. Blorok abang, cènggèr lombok, êndhas cilik, måtå abang, jalu kuning. Iku jago yèn kanggo adon ålå, kêrêp kalah, gawé susah kang ngingu.

9. Blorok madu, cènggèr têlon, klåpå ngluwuk, måtå kuning, sisik gêdah ijo, jalu canthèl, buntut kêtêl. Iku jago adon bêcik, kêrêp mênang, kang ngingu sugih bêgjå.

Jago blorok madu cènggèr têlon

Jaya Abadi Farm

- penulis artikel - pecinta kuliner Nusantara dan Mancanegara - dokter hewan - peternak ayam

Bagikan Artikel ini